Jesus marsungkun hubani Petrus “Holong do uhurmu....? Bani Padan Nabasia istilah parmahan adong dua pangarusionni; arti na sasintongni pakon arti metafora. Artini sasintongni ai ma halak na horjani marmahani biri-biri, pnl. Arti metafora, ai ma pandiloon bani sada-sada halak, misalni: Naibata na gabe parmahan, sonai age malim ampa nabi-nabi.

Hatoranganni

Bani ayat 15-19 on, jumpah hita do parsahapan na intens ni Jesus pakon Petrus. Bani ayat 15 isobut pasal panorang sogod dob salosei sarapan, Jesus marsahap bani Petrus. Jesus manungkun Petrus, “Holong do uhurmu Bangku...? Hata holong na ipakei ijon aima; “ἀγαπάω-agavau-agave” na artini memiliki rasa hormat dan ketertarikan yang hangat terhadap orang lain, menghargai, memiliki kasih sayang terhadap, mencintai. Janah balosni Petrus mamakei hata “φιλέω-phileo” na artini memiliki minat khusus terhadap seseorang atau sesuatu, sering kali dengan fokus pada hubungan dekat, memiliki kasih sayang terhadap, menganggap seseorang sebagai teman. Jadi adong dua kualitas holong na sinobut bani parsahapan on, “holong agave pakon holong fhilia”

Bukti holong ni Petrus hubani Kristus ai ma hasirsironni “Mamparmahani biri-biri-Ni”, halani biri-biri ni Kristus lang iboli marhitei duit, tapi marhitei daroh pakon parmatei-Ni sandiri. Balosni Petrus, “Eak Tuhan, ibotoh Ham do holong ni uhurhu Bamu.” Bani ayat 16 iulakhon use sungkun-sungkun ai, “Holong do uhurmu Bangku?” Balosni Petrus... “Eak Tuhan,...”, sonai age bani ayat 17.

Pala do sungkun-sungkun pahara mangkaholongi Kristus i ulaki das hubani tolu hali. Bani filsuf Yunani, pengulangan pertanyaan lazim digunakan untuk mendorong anak didik berpikir sekali lagi atau berpikir lebih lanjut. Ase Jesus sihol mangidah na ijalo Petrus do parentah ai ibagas na satia ampa ibagas bulus ni uhur.

Kristus sihol mambobai Petrus pakon halak na mangkaholongi-Si ase sirsir mamparmahani biribiri-Ni, songon parmahan na satia hubani Kristus na gabe parmahan na utama. Marmahani biri-biri dos do pakon manogu-nogu, manramotkon, pakon mansarihon aha na porlu. Ekspresi holong in ai ma sada tugas pakon tanggung jawab ni halak na dob ihaporsayai Jesus na gabe saksi bani halak na legan pakon dunia on (Lah. 1:8). Horja mamparmahani ai ma sada horja na porlu tumang na maningon ihorjahon gok ibagas uhur halani horja ai roh humbani Kristus na gabe Parmahan Namadear, na mamberehon hosahNi mangkopkop biri-biri-Ni (Joh. 10:11).

Domma nani hita mandalankon ai ibagas malas ni uhur? Bani ayat 18, ihatahon, “....tingki poso ho....” Ijon Kristus sihol paingatkon Petrus tingki poso ia. Tapi dob matua ia, ijulurhonni ma tanganni janah halak na legan manrahut ampa mamboban ia. Bani ayat 19, patugahkon sonaha Petrus matei ampa mamuji Naibata. Ai do ase ihatahon Jesus “Irikkon ma Ahu...” na mararti totalitas laho mangirikkon Jesus agepe hamateian na gabe konsekwensini.

Hahonaonni

1. Tugas pakon tanggung jawab sahalak parmahan ai ma manoruskon/melanjutkan holong ni Kristus hubani halak na legan marhitei na sirsir mangidangi. Ganupan halak na porsaya domma gabe parmahan na pinilih ni Kristus laho manjaga, manarmotkon, memberi kebutuhan dan rasa aman juga membimbing domba-domba-Nya di dalam sukacita (I Ptr 5:2-3). Domma nani hita ibagas bulus ni uhur mamparmahani biri-biri-Ni Tuhan in aima kuria, keluarga pakon na legan?
2. Marmalas ni uhur ma hita na dob manjalo parentah humbani Tuhan janah ibagas malas ni uhur mamparmahani biri-biri-Ni. Halani marmahani biri-biri aima tugas na istimewa ampa na khusus laho manramotkon haganupan biri-biri, baik secara jasmani ampa rohani. Ase ulang ma pitah dirinta na ihaholongi hita, ulang na porlu banta hansa na isarihon hita, tapi sari ma bani aha na gabe parbagiananni Kristus in.
3. Songon Petrus na totap fokus bani pandiloonni age sanggah mandompakhon hamateian, sonai ma hita selaku halak na porsaya totap bani pandiloonta irik memusatkan uhurta bani Jesus na marsitaronon homa.
4. Marhitei nubuat Yesus pasal kemartiran Petrus, jumpah hita do bahasa agepe marsitaronon hita, tapi marsitaronon ibagas hamuliaon/menderita dengan kemuliaan.