Pilatus aima prefek Judea (26-36 M), na mararti ia sedo raja atap sipambobai na markuasa, tapi sahalak pejabat na itodoh langsung Kaisar Romawi laho mamarentah sada provinsi, aido ase gati ia isobut sebagai gubernur. Martindak do Pilatus on sebagai perpanjangan tangan kekaisaran bani na manjaga stabilitas, manorapkon hukum Romawi, ampa mangawasi pemungutan pajak. Sebagai wali negeri, Pilatus memiliki wewenang penuh bani pengambilan keputusan hukum, termasuk hak untuk menjatuhkan hukuman mati (ius gladii – khususni ma ai bani proses hukuman panilangon Jesus Kristus hansi pe ia sandiri tampak enggan manotapkon haputusan ai). Ianggap sebagai ancaman do Jesus bani halak Jahudi halani ajaran-Ni na radikal ampa klaim-Ni gabe Anak-Ni Naibata. Halani ai, bersekongkol ma sidea laho menyingkirhon-Si marhitei tuntutan uhuman salib hubani Pilatus. Secara teologis, halak na tarsilang ai ma ianggap hona papa ni Naibata (5 Mus. 21:23). Tapi ibagas rencana-Ni na manongtong ai, itotapkon Jesus do mambuat papa ai ase boi maluah jolma in hun uhuman ni dousa. Peristiwa na ibasa hita bani Markus 15: 33 – 41 ai ma sada momen na paling dramatis bani sejarah haluahon. On aima klimaks ni Jesus manaron na marsik bani hayu parsilang halani dousa ni manisia. Janah momen on gok do ibagas makna teologis na bagas tumang. Iboan do hita marhitei peristiwa on bani piga sungkun-sungkun: Aha do makna ni sogop ma na golap hu sab tanoh in? Mase mangahap Jesus itadingkon Bapa-Ni?; janah Aha do dampak hamateian-Ni Jesus hubani dunia on, tarlobih ma hita na manggoluh ope nuan? 

Hatoranganni

Hagolapan ampa Dilo-dilo ni Jesus (ayat 33-36)

Sanggah na targantung Jesus i hayu Silang, icatat Markus do, “Mulai pukul sapuluh dua das hu pukul tolu sogop ma na golap hu sab tanoh in.” Hagolapan on sedo peristiwa alam biasa songon gerhana mata ni ari, tapi sada tanda Ilahi. Bani konteks ni Bibel, gati do hagolapan ikaitkon hubani panguhumion ni Naibata (2 Mus. 10:21-22; Am. 8:9). On aima momen na ija haganupan tinompa marsaksi pasal hamarsikon na idompakhon Sipaluah in. Bani pukul tolu sore, dilo-dilo ma Jesus, “Eloi, Eloi, lama sabakhtani? (ay.34). On ai ma kutipan langsung hun Psalmen 22:2 na ija ibagas sitaronon ni mardilo do Daud hubani Jahowa. Tapi, seruan ni Jesus on memiliki makna na lobih bagas. On sedo ekspresi keputusasaan, tapi homa penggenapan nubuat. Jesus, na sadokah on memiliki hasadaon na sampurna pakon Naibata, nuan mandompakhon keterpisahan halani “mamorsan dousa dunia.” 

Reaksi ni buei halak panorang ai pataridahkon kesalahpahaman ni sidea. Piga-piga humbani sidea mangidah bahasa Jesus sedang mandilo Elias (ay.35). On pataridahkon pangarapan eskatologis bahasa sihol roh do Elias laho paluahkon halak na pintor (Mal. 4:5). Tapi, gagal do sidea mangarusi bahasa Jesus sedo mangindo pangurupion, tapi sedang menggenapi panobusion hubani jolma pardousa in. Hagolapan na sogop ibani tanoh in, pasingatkon hita bahasa konsekuensi ni dousa aima keterpisahan pakon Naibata. Tapi, marhitei hamarsikon na idompakhon Jesus, ibuat-Ni ma iananta ai, ase hita na seharusni terpisah hun Naibata, gabe ipasuang do hita ase mulak hubani relasi na intim pakon Naibata.

Hamateianni Jesus ampa Dampakni (ayat 37-41). 

Dob honsi ai marsora na gogoh ma Jesus, jadi rotap ma hosah-Ni Jesus (ay.37). On marbeda do marimbang hamateian para korban parsilangon na legan, na biasani berakhir ibagas hagalekon ampa hahomion (kesunyian). Sora na gogoh (nyaring) on pataridahkon bahasa Jesus mangondoskon hosah-Ni secara sukarela – Cuma-Cuma (bnd. Joh. 10:18). Subali ai, marigat do homa hirei i rumah panombahan, bolah dua hun datas hu toruh (ay.38). Tire on mamisahkon ianan kudus hun ruang maha kudus, ianan na ija pitah malim bolon do na boi masuk sahali satahun laho mampersembahkon korban penghapusan dousa (Heb. 9:7). Tarbolahni hirei on manandahon bahasa akses hubani Naibata nuan domma tarbuha bani ganupan jolma marhitei Jesus Kristus (Ibr. 10:19-20). On ai ma momen transformatif bani sejarah haluahon. Salah sada reaksi na mambahen longang roh humbani sahalak kopala ni tentera, na mangidah langsung parmatei ni Jesus. Ihatahonni do, “Tongon Anak-Ni Naibata do halak on,” (ay.39). 

Pengakuan on luar biasa tumang, mardingat kopala ni tentera on (Perwira Romawi) aima sahalak kafir (non Jahudi), ia ma halak na parlobei bani Evangelium Markus secara jujur anjaha terbuka mangakuhon keilahian ni Jesus dob honsi hamateion-Ni. On pataridahkon bahasa Ambilan Namadear ai lang sebatas hubani halak Jahudi, tapi homa bani bangsa-bangsa na legan. Menarik do anggo ibahas hita ise do kopala ni tentera on – ia totap do gabe sosok misterius na goranni lang isobut bani Bibelta sonaige bani TB ampa piga-piga terjemahan na legan. Bani bahasa Gorik, isobut do ia kenturiōn (κεντυρίων), sonaige bani bahasa Latin (centurio), na mararti sahalak perwira Romawi na mambobai sekitar 80-100 prajurit. Bani konteks iparsilangkon, perwira on sedo pitah sebagai eksekutor na mandalankon tugasni, tapi homa sebagai saksi langsung sonaha parrotapni hosah-Ni Jesus. 

Bani tradisi Kristen kemudian, isobut do ia on aima Longinus, hansi pe lang adong bukti sejarah na mengkonfirmasi goran on. Tapi na lobih ponting marimbang goran ni ai ma sonaha sahalak kopala tentera asing (panombah gana-gana, sahalak representasi hun kekuasaan penindas na mamparsilangkon Jesus) sompong mangakuhon keilahian Jesus (ay.39). Pangakuan on sedo halani iarusi ia doktrin Mesias Jahudi, tapi halani isaksihonni sesuatu na luar biasa; parmatei ni Jesus sedo halani hagalekon, tapi marhitei otoritas, mangondoskon hosah-Ni marhitei gok kuasa, iiringkon fenomena alam na mangguncang hauhuron ni ise pa na manaksihon ai. Momen on sedo pitah pengakuan pribadi sahalak kopala ni tentera tapi simbol universalitas misi hamateian ni Jesus. On ai ma gambaran paboa karya silang lang terbatas bani halak Jahudi tumang, tapi homa hubani ganup bangsa, tarmasuk sidea bani mungkah ni lang mananda Tuhan. On gabe singat-singat hubani gareja bahasa hagogohon hasaksian pasal Jesus lang terletak bani keagungan duniawi, tapi ibagas Silang na paubah uhur ampa pingkiran ni halak na mangkaporsayai-Si. Bani buei halak na manaksihon parmatei ni Jesus hun na daoh, adong piga-piga naboru, songon si Maria Magdalena, Maria inang ni si Jakobus siposonan, ampa Salome (ay.40-41). Domma iirikhon sidea Jesus sanggah i Galilea ope, anjaha totap satia bahkan sanggah iparsilangkon Ia. Hasatiaon ni sidea oon menyoroti proluni peran naboru bani pangidangion ni Jesus anjaha sebagai saksi mata humbani peristiwa-peristiwa na penting ibagas sejarah haluahon. 

Hahonaonni

1. Hagolapan na sogop hu sab tanoh on sanggah isilangkon Jesus paingatkon hita bahasa dousa domma mamboan keterpisahan hunbani Naibata, tapi justru marimbang hagolapan ai, holongni Naibata do sitorangan. Sirsir do Jesus mananggung keterpisahan ai ase boi hita maluah ampa pulih ibagas relasi pakonni Naibata Bapa. Domma nani hita mangahap secara serius sonin ma hape hinabanggal ni holong-Ni Naibata hubanta pardousa on?

2. Sahalak teolog ongga mangkatahon, “Salib adalah tempat di mana keadilan dan kasih Allah bertemu.” Tanpa salib, lang adong hasasapan ni dousa. Tanpa pengorbanan ni Kristus, lang adong dalan manuju Naibata. Bani zaman sondahan on, buei do halak kristen na sihol mangirikkon Jesus tanpa ra mamorsan silang. Siholan do sidea bani pasu-pasu-Ni, tapi lang ra mamparnalang dirini, ujungni lang dapotan pasu-pasu tapi dapotan pusa-pusa. Kekristenan na sejati lang boi terlepas humbani silang ni Kristus. Idilo do hita ase mamorsan silang, mamparnalang diri ampa mangirikkon Jesus secara sungguh-sungguh. Bani fakta, buei do halak kristen sihol porsaya tanpa penderitaan, sihol porsaya tanpa pengorbanan. Tapi sejatini salib ai ma pandiloon banta. Teolog Dietrich Bonhoeffer mangkatahon, “Anugerah yang murah adalah musuh terbesar gereja. Sedangkan anugera yang sejati selalu membawa salib.” Kekristenan tanpa salib adalah kekristenan yang sekarat – mati. 

3. Jumat Agung pasingatkon hita paboa iman sedo pitah pasal pasu-pasu, tapi homa pasal manaron na marsik rup pakon Jesus Kristus. Ulang hita gabe kristen na “matre, lebay, egois, pitah manorihi kenyamanan pribadi,” tapi gabe susian na satia ma hita ibagas holong, na manggoluh bani Naibata halani domma iondoskon Jesus hosah-Ni mangkopkop hita pardousa on secara CUMA-CUMA, anjaha otik pe lang adong andil ni manisia ibagas ai. Naibata mangkorja sedo tanpa dasar, haganupan ai idasari marhitei holong ampa idop ni uhur-Ni na manongtong in.

4. Salib aima pusat ni haporsayaonta. Salib sedo tanda kekalahan, tapi tanda hamonangan. Domma iporsan Jesus gila/murkani Naibata halani dousa-dousanta na banggal in, anjaha mambuha dalan halauahon, ampa mangontang hita ase manggoluh ibagas holong ampa hasatiaon hu-Bani Naibata Bapa halani ampa ibagas Kristus Jesus marhitei panogu-noguonni Tonduy Napansing.