Bahkan bani era na semakin canggih on, dong do homa na riap mar-selfie lobei, aima na gabe kenang-kenangan bani hinaholongan na itadingkonni. 

Jesus marhitei nas ambilanta bani Kamis Putih on, hape dihut do homa mandalankon tradisi riap-mangan pakon susian-Ni. Paima Ia manaron, paima Ia itangkap bani ari patar, paima Ia iparsilangkon bani hayu pinarsilang ai, lobei Ia mangadongkon Horja Banggal Napansing riap pakon susian-Ni. In lang sada jamuan-mangan na somal, tapi in ma hiteini Naibata laho mamberehon diri-Ni hadir itongah-tongah dunia on, bani pargoluhanta. On ma na sihol irenungkon hita marhitei nas on. 

Hatoranganni

Bani perikop Mateus 26 on ipungkah marhiteihon sada pernyataan pasal “Ase dob marujung ihatahon Jesus haganup hata ondi…” na sihol manobut bahasa ipudini perikop on, Jesus domma padaskon haganupan pangajaran-Ni na iujungi marhiteihon pangajaran pasal “Ari Paruhuman Magira”. Das ma panorangni Jesus patugahkon pasal haganupan na sihol sidompakonon-Ni, ai ma na berfokus hubani sitaronon, hamateian, ampakon parpuhoon-Ni. 

Bani perikop ni ambilanta on,  marsihol ni uhur do Jesus riap mangan pakon susian-Ni sanggah Paskah Jahudi, in ma na sihol patangkashon bahasa laho saud ma panorangni. Bani nas pembandingni ambilan on—Lukas 22:14—isobut do hata “dob jumpah ma panorangni,” na mambere pangarusion banta bahasa panorang na niranggihonni Naibata Bapa sihol ma masa. Hata ai mambere hatorangan pasal hasangaponni Naibata, na manggomgomi ganup tinompa-Ni (bnd. Joh. 2:4; 7:6,8). Tongon, in ma panorang na parpudi (waktu resmi [Paskah] terakhir) Jesus riap pakon susian-Ni. Anjaha parsahapan sidea gabe sahap na parpudi humbani Jesus hubani susian-Ni paima Ia iparsilangkon. Hal on tontu gabe sada perenungan homa bahasa sihol do Jesus mambahen persekutuan pakon susian-Ni age das banta halak kristen panorang on. Ingat, “Yesus senang berbagi waktu dengan kita!” Ambahni ai, Jesus sihol manggantihkon jamuan-mangan na parpudi pakon susian-Ni ai gabe sada peristiwa momen sakral (sacramentum: sakramen), na bani sondahan on isobut hita ma marhitei istilah “Horja Banggal Napansing.” Jamuan Paskah Padan Nabasaia na itandai marhitei pengurbanan daroh anakni biri-biri igantih gabe pengurbanan darohni Kristus bani hayu pinarsilang (bnd. Luk. 22:20).  

Na parlobei Jesus mambuat ruti, mangkatahon tonggo tarima kasih, iponggoli, anjaha mambere hubani susian-Ni ase ipangan (ay 26; bnd. Luk. 22:19). Tongon, Jesus gati do mambahen benda-benda gabe parhiteian patandahon diri-Ni bani halak. Jesus ongga manobut dirini labah (Joh. 10:9), hayu anggur (Joh. 15:5), anjaha romban hubani ambilan on Ia manobut ruti gabe parhiteianni daging-Ni. Songon ruti na itopiki, sonai do homa Jesus mangondoskon daging-Ni laho mangkopkop jolma pardousa (bnd. Jes. 53:5). 

Salosei mangan ruti, Jesus mambuat panginuman. Na menarik paima ibagihon anjaha iinum, Jesus lobei mangkatahon tonggo tarima kasih (bnd. Luk. 22:17). Dob ai Jesus mangkatahon, “Ai daroh-Ku do on, daroh parpadanan, na niuseihon mangkopkop buei jolma, bahen hasasapanni dousa” (ayat 28). Jesus gabe “pangantihta.” Hutang dousa ni jolma, hayu silang na namin gabe parbagiananta, tapi itaron Jesus halani holong-Ni hubanta. Panginumon ai isobut do eucharisteo “cawan berkat” hataridahanni hinabanggalni idop uhurni Naibata. Sada tujuanni Horja Banggal Napansing (HBN) ai ma mardingat bahasa Kristus domma matei laho manasap dousanta, ase talup hita manjumpahkon hagoluhan sisadokahni dokahni. On ma idopni uhur na tang sibanggalan in. Halani ai, HBN mangarahkon hita ase gabe pribadi na totap marmalasni uhur (bersyukur) bani idopni uhurni Naibata ibagas Jesus Kristus. 

Hahonaonni

1. Horja Banggal Napansing sasintongni lebih dari sekadar Perjamuan Ruti pakon Anggur, lebih dari sekadar pesta perpisahan, bahkan lebih dari sebuah kewajiban agama! Bani peristiwa pardingatan Horja Banggal Napansing Jesus pakon susian-Ni, hita ipagolpa ase mamareksa dirinta anjaha marhamubahon. Sungkun-sungkuni, domma sonaha hubunganta pakon Naibata? Dohor do, agak jaga jarak do hita, atap na parahni domma lambin daoh? Mardingat bani panarononni Kristus in, marhitei Horja Banggal Napansing in, goluhta ipabayu, dousanta isasap, ase jumpahan goluh sisadokahni-dokahni hita. 

2. Kamis Putih mangarahkon hita usih songon Jesus na mamberehon dirini na laho mangkopkop hita janah manasap dousata sonai do homa hita ase boi marsisasapan dosa bani hasoman na legan, memberehon pengampunan hubani halak ampakon mangindo pengampunan hubani Naibata sonai homa hubani halak na ongga ibahen hita marborit ni uhur. Bani panorang Kamis Putih on, jumpahkon hita ma hadearon in halani Kristus.