Humbani na hinan ronsi sonari, dunia on gati do mandompakhon dilema bani mangakuhon panrajaionni Naibata, Buei do mangaku porsaya sanggah keadaani goluhni sonang, bosur, tapi mintor podas manadingkon Naibata sanggah realitas ai lang mardalan domu bani harapanni. Halani ai, porlu tumang do mangarusi bahasa mangakuhon panrajaionni Naibata sedo pitah bani perayaan sesaat, tapi sada komitmen na maningon ipataridahkon ibagas goluh siganup ari. 

Hatoranganni

Peristiwa on terjadi paima Paskah Jahudi (pardingatan bani hamerdekaon ni sidea hun parjabolonan Masir). Jesus, na domma mambahen buei halongangan, termasuk ma pabangkithon si Lazarus humbani na matei (Joh 11), gabe pusat perhatianni buei jolma do Ia. Ididah sidea do Jesus sebagai sosok Mesias na ipaima-ima  sonin dokahni, tapi marhitei pangarusian na lepak. Ihira sidea do Ia na roh ai sebagai raja duniawi (politis) na boi paluahkon sidea humbani gomgoman Romawi secara politik (Jerusalem abad pertama berada di bawah kekuasaan kekaisaran Romawi). Bani panorang ai halak Jahudi magigi tumang do bani halak Romawi. Halani ai idarami sidea do sahalak mesias na boi mangusir halak Romawi hun tanoh ni sidea. Halak Jahudi menyematkan harapan nasionalistis ni sidea ai bani mesias/raja, ai ma sahalak na boi paluahkon sidea humbani penindasan penguasa asing.

Tapi, sipambobai halak Jahudi tarlobih ma ai kaum Parisi, ampa Saduki, sangat berhati-hati ibagas na mandompakhon gerakan massa na berpotensi parrohkon pemberontakan. Harorohan ni Jesus ibagas suasana euforia on gabe ancaman bani sidea, na akhirni marujung bani peristiwa penyaliban.

Bani ayat 12-13, isobut do bahasa patarni ai, buei halak na roh hu Jerusalem laho marayahon pesta paskah, janah halak Jahudi manangar bahasa Jesus sedang manuju hu Jerusalem. Mananggapi barita ai, mintor ibuat sidea ma bulung-bulung palem laho mangalo-alo Jesus marhitei gok antusiasme irik mangkatahon, “Hosianna! Pinasu-pasu ma na roh marhitei goran ni Tuhan, Raja ni Israel.” Bani tradisi Jahudi, bulung palem simbol hamonangan ampa hasangapon. Sanggah sidea mangangkat ampa mangamparhon bulung-bulung palem ai, secara tidak langsung, iakui sidea do bahasa Jesus ai ma Raja na roh paluahkon sidea (secara politik). Seruan “Hosianna” na isobut sidea sedo pitah ungkapan malas ni uhur na somal, tapi sada seruan mesianik na marasal hun bahasa Heber na mararti “Paluah ma hanami sonari/selamatkan kami sekarang.” (Ps. 118:25-26). Tapi, hansi pe ialo-alo sidea Jesus marhitei seruan mesianik, pangarusion ni sidea pasal ise do Jesus sabonarni lepak do. Na iarapkon sidea ai ma Jesus na roh gabe raja politis na paluahkon bangsa Israel humbani gomgomanni Romawi, sedo sebagai raja na roh mamboan haluahon spiritual marhitei hamarsikon ampa hamateian i hayu parsilang. Kesalahan utama on gabe alasan mase buei jolma bani panorang ai mangalo-alo Jesus marhitei hata “Hosianna,” dob piga-piga ari mubah gabe mantaurhon, “Parsilangkon Ia,” kecewa halani Jesus na lang manggoki harapan politisni sidea. 

Bani ayat 14-15, isobut do bahasa Jesus hu Jerusalem lang mangajak huda porang songon sahalak raja atap puanglima. Iipilih Jesus do mangajak sada halode ajar-ajar (keledai muda). Pilihan ni Jesus on sedo kebetulan, tapi domu hubani panggokion nubuat na tarsurat bani Sakaria 9:9, “Tonggor ma, na roh do Rajamin marayak ho; parpintor anjaha siparmonang do Ia. Toruh do uhur-Ni anjaha mangajak halode, anak ni halode boru-boru.” Nubuat on pataridahkon bahasa Raja na ipadankon sedo raja na roh ibagas kekerasan tapi ibagas lamlam ampa toruh ni uhur, gok ibagas damei. Bani Padan Nabasaia, halodei iajak panguhum/ hakim pakon raja bahen urusan perdamaian, lang na laho pataridahkon hagogohon ni sidea atap laho mamungkah porang atap pemberontakan. Sebalikni, bani tradisi dunia kuno, huda porang pataridahkon kekuatan ibagas parporangaan. Jadi Jesus sihol patugahkon paboa Ia roh hu dunia on sedo laho mambangun harajaon duniawi, tapi harajaon ni Naibata na gok holong, pengorbanan ampa keadilan. Harajaon ni Naibata lang ibangun marhitei podang, tapi marhitei pengorbanan Kristus iatas hayu silang. 

Hahonaanni

1. Mangakuhon panrajaion ni Naibata sedo pitah euforia sesaat. Ulang pitah mengakui Jesus sanggah goluhta sonang, gok pasu-pasu, lanjar manadingkon-Si sanggah roh hamaholon. Mangakuhon panrajaionni Jesus maningon gok do ibagas ganup pardalananta, ibagas suka ampa duka. Sahalak teolog mangkatahon, “Mengakui kekuasaan Allah berarti hidup dalam ketaatan penuh, bukan sekadar dalam suasana euforia sementara.”
2. Panrajaion ni Naibata lang domu bani ekspektasi ni jolma. Ulang mangukur horjani Naibata marhitei sura-suranta sandiri. Sura-surani Naibata daoh gijangan marimbang pingkiranta (Jes 55:8-9). Mangakui panrajaion ni Naibata mararti mangondoskon haganupan dirinta hubani Naibata, mangkaporsayai bahasa rencana-Ni selalu sempurna, hansi pe lang dos pakon sura-suranta.
3. Jesus anak ni Naibata ai roh ibagas kesederhanaan janah totap toruh maruhur, janah on ma na gabe siusihanta. Totap ma hita martoruh ni uhur halani adong hata na manghatahon “kerendahan hati ibarat bagaikan sebuah sayap yang kuat, yang akan membawa terbang tinggi.”
4. “Iman Sejati tidak diukur dari seberapa keras kita bersorak bagi Tuhan dalam momen tertentu, tapi dari seberapa setia kita hidup dalam kehendak-Nya setiap hari.”