Hatoranganni

Ayat 25-28; Daud patuduhkon gambaran sonaha malas ni uhur ni bangsa ni Naibata. Buei ni odoran na menyambut Naibata, dong na mandoding, parhusapi, dong homa panggual tambur (Pemalu Rebana). Odoran ni Naibata on mandoding-doding gok malas ni uhur mamuji Naibata marhitei doding, husapi ampa tambur. On gambaran na sihol patuduhkon doding ampa pujian na gok malas ni uhur, ai ma respon pengakuan bani banggal ni kuasa ni Naibata. Hagogohan ampa kuasa ni Naibata ai ipatalar marhitei pujian ampa hasadaon (Pandoding, parhusapi, panggual tambur) martarimakasih bani haganup pambahenan ni Naibata. Haganup Israel mamestahon hamonangan ni sidea ai, Benjamin ampa Juda mewakili Israel Selatan, Sebulon ampa Naptali mewakili Israel Utara.

Ayat 29-33; Kemenangan ampa kedasyatan pangurupion ni Naibata bani bangsa-Ni, inma na mambahen Daud mangarahkon ase haganup siparkuasa na itanoh on mamuji Naibata. Daud patuduhkon kuasa ni Naibata ai mangatasi haganup kuasa na adong i dunia on. Siparkuasa atap raja-raja pe roh hubani Naibata, manaruhkon sibere-bere ni, on patuduhkon siparkuasa i dunia on pe tunduk bani kuasani Naibata. Sonai do age binatang ihatahon Daud sorgangi Ham (Ay 31). Adong pemahaman ijia bahasa binatang juga salah sada na boi mengancam atap berbahaya. Tapi ilobei ni Naibata lang markuasa ai, haganup itoruh kuasa ni Tuhan Naibata. Negara na banggal pakon na hebat ijia pe, Masir ampa Etopia pe roh manurdukkon tanganni bani Naibata. (Ay 33).  

Ayat 34-36; Perikop on iujungi Daud marhitei pengakuan ampa pujian hubani Naibata. Bani ayat 34-35 Daud patuduhkon kekuasaan ni Naibata ibagas bangsa Israel ampa ibagas hombun. Kekuasaan ni Naibata ai, sedo pitah bani jolma tumang, tapi kekuasaan Naibata das hubani awang-awang.  Ijon ma Daud patugahkon sonaha banggal ni kuasa ni Naibata ai. Marhajombuton/dahsyat atap majangin tumang do kuasa ni Naibata. Janah kuasa ni songon dahsyat ni do homa na ibere hubani bangsa Israel na mambahen bangsa-Ni jumpahan hamonangan mandompakkon haganupan munsuhni. Ase bani ayat 36 Daud mendorong atap mangarahkon ase haganupan na  i tanoh on mandoding mamuji Naibata siparkuasa in. Halani Naibata siparkuasa ai sedo Naibata siparkuasa na pitah markuasa bani bangsa-Ni, tapi Ia ai ma Naibata Siparkuasa bani haganup na tinompa.

Hahaonaonni

1. Perikop on sihol paingatkon bahasa Naibatanta simada kuasa bani haganup. Hagogohon ampa kuasa ni Naibata sedo laho menindas, tapi laho mamboban haluahon atap pembebasan. Ibere do kuasa ampa gogoh hubanta mandompakkon haganupan na masa bani goluh on ase monang hita songon bangas Israel ijia.
2. Maningon ma haganup na tinompa in mangakui kuasa atap panrajaion ni Naibata. Ia do Tuhan simada kuasa bani haganup, janah haganup na itanoh tunduk do bani Tuhan Naibata. Ase songon nini topik minggunta, Pangakuan bani kuasa atap panrajaion ni Naibata, ai ma pataridahkon hita bani goluhta on marhitei lambin tubuh ma pamujion hubani Naibata simada kuasa in. Ia tumang ma tongon Naibata na patut sipujion ampa sipasangapon.
3. Minggunta Palmarum (Lambei gorsing) on, patuduhkon pangalo-aloon bani sada horja malas ni uhur. Malas ma tongon uhurta mangalo-alo Tuhanta Naibata Siparkuasa in, Songon malas ni uhur ni halak na mabuei ijia bani na mangalo-alo parmasuk ni Jesus hu Jerusalem (Mat 21: 1-11; Mrk. 11:1-10; Luk. 19:29-38; Joh. 12 :12-15).