Sermon Sibasaon 30 Maret 2025 (Letare) - Jahowa do Bona ni Bah Hagoluhan
Nats : Johannes 4 : 4 - 14, Topik : Jahowa do Bona ni Bah Hagoluhan, Usul Doding : Haleluya No. 151 : 1-3
Parlobeini
Ambilanta on aima parsahapan ni Jesus pakkon boru Samaria pasal hinaporlu ni bah janah Jesus do bah Hagoluhan. Ase bani Injil Johannes on, Jesus patugahkon bahasa Ia ma sumber bah Hagoluhan. Janah bah hagoluhan na binere ni Jesus ai, aima sumber hagoluhan sisadokah ni dokahni. Porlu tumang do bah banta tene bani pargoluhanta.
Tujuan ni bah aima laho mambentuk sel bani angkulatta. Ase bani angkulanta on dong do bah aima 70-85 %, halani ai, bah ponting tumang bani angkulanta on. Bah boi do homa mangatur suhu tubuh, na boi manghantarkan panas bani anggkulatta ase boi stabil. Bah boi do homa mangurupi paborgohkon angkulanta marhitei penguapan bani paru-paru ronsi das hu kulit marhitei mamboan panas na marlobih kaluar humbani angkulanta. Bah aima air minum, kebutuhan sehari-hari paborsihkn na kotor, pakon nalegan ope.
Hatorangan ni Teks
Bani teks ni ambilanta on, Tuhan Jesus aima sumber bah hagoluhan janah Tuhan Jesus aima kehidupan yang Kekal., halani ai ipatalar Jesus do dalan hagoluhan sisadokah ni dokahni hubani jolma. (bnd. Jes. 12: 3). Laho manjuppahkon bah hagoluhan ai, ra do hita mangahapkon songon na urah laho manjalohon ai, ra do adong pangarusionta na manobutkon pitah porsaya bani Tuhan Jesus na gabe Sipaluah. Hasa, tarinum hita do ai (lht. Joh. 7: 3) itongah-tongah ni dunia na boi mamberehon bage-bage hasonangan. Manginum bah ai lang pitah parsatongkinan, tapi maningon ihorjahon marulak-ulak. Maningon do manginum bah hagoluhan ase boi hita manggoluh ibagas hasadaon sadokah goluhta rap pakon Tuhan Yesus ai sandiri. Lang adong sada halak na boi manginum bah hagoluhan anggo lang orod pakon sumberni. Anggo ibasa hita buku Johannes bahat do boi jumpah hita ijai pasal sada halak jolma na goluhni boi marhamubahon dobkonsi pajumpah pakon Tuhan Yesus. Janah ai do homa naterjadi bani teks ni ambilan bani panorang on.
Bani ambilanta on ipatugah do pasal pardalanan ni Jesus na pajumpah pakon boru Samaria. Jesus mardalan pakon susian-Ni laho mulak hu Galilea. Daoh tumang do pardalanan ai. Milas tumang do homa ari. Dob dohor ikota Sikar, na idaerah Samaria, laho do tongkin susian-Ni Jesus, manadingkon Jesus bani panorang ai. Bani panorang ai domma tongah ari. Ai hundul do Jesus bani sada parigi, janah horahan do Ia panorang ai. Lang piga dokah roh do sada halak boru Samaria hu parigi ai. bani panorang ai, seng dong halak Jahudi nara marsahap pakon halak Samaria, samintolah ma minum humbani sada panginuman?. Halani ai longang tumang do boru Samaria ai sanggah na ipindo Jesus bah inumon humbani, “ipindo Ham bah inumon hubakku?” nini naboru ai manungkun, hira naporsaya. Tapi nini Jesus “pori ibotoh ham aha si bereonni Tuhan in ampa ise Ahu, pindoonmu do bah hagoluhan, anjaha seng anjai horahan be ham sadokah ni dokahni.” Balos ni Jesus, seng iarusi ham ai, na imaksud sedo bah inumon na somal ai, na huhatahon aima pasal goluh na baru do. Ai domma roh Ahu laho mambere hagoluhan ai.
Aha do naboi ididah hita humbani teks ta on:
1. Jesus tertarik dengan masalahta. Sengaja Jesus manlewati huta Samaria (4) marsaran bani sada parigi (6) marsuruh susian-Ni laho ase Ia boi sahalaksi (8) ase Ia boi marhasoman/marbuali pakon sada naboru Samaria na mandompakkon paruntolon (7) tongon maruntol do daboru ai bani pingkiranni. Daboru on na dob ongga marsirang 5 hali (bani panorang ijia daboru lang boi mangindo marsirang) janah bani panorang ai ia tading pakon sada dalahi na lang pargotongni bd. Ay.18. Hunjai boi ididah hita sonaha jut ni pingkiranni sonai age sosial pakon halak na isekelilingni. Hape Tuhan totap do mampardiateihon hita bani ganupan persoalan sidompakkononta bani goluhta. Age pe na dohor banta lang mampardiateihon hita tapi Tuhan totap mangkaholongi hita anggo roh janah sirsir mangkaporsayai hata-Ni.
2. Hamalumon roh ni aima humbani Jesus, lang pitah paruntolonta na ibotoh Tuhan in, tapi Ia pe boi mambere balos bani haganup sungkun-sungkunta halani buei ni paruntolonta anjaha haganupan ai lang margalar (ay.10, 13-14).
3. Sangggah hita mangindo, Tuhan pasti mamberehon balos pakon hagogohon bani paruntolan na idompakkon hita. Jesus sandiri mambere balos bani paruntolonta marhiteihon namambere diri-Ni sandiri hubanta (26) na ipangindo-Ni aima hita totap porsaya huba-Ni.
Hita haganupan nahinarga ni Tuhan sanggah naboru ai manjalo Jesus bani goluhni tontu mamboan habayuon na tongon-tongon na dob ipabayu Tuhan in. Ia gabe na parlobei patugahkon bani halak Samaria. Buei
do halak naporsaya marhitei hasaksianni. Janah masa pe ai sanggah sada naboru pardosa na ipabayu goluhni marhitei parjumpahanni pakon Jesus sandiri. Humbani goluh na soya-soya, sonari naboru Samaria ai gabe goluh na harga. Sonaha do homa hita? Ai porlu do hita habayuon pakon haluahon bani goluh on? Adong do sihol ni uhurnta bani goluh ase taridah habayuon, humbani goluh nasoya-soya gabe goluh na sintong janah gabe pasu-pasu? Ingat hita ma paboa Jesus domma parlobei siholan hubanta ase hita siholan hubani, tontu sanggah hita sirsir roh hubani Tuhan in tontu au, ham, gabe manjalo goluh na mararti ma hita. Halani ai rohma hita bani Jesus, halani marhiteihon ni na roh hita hubani ijai do jumpah hita habayuon. Tuhan do bah hagoluhan na boi mambere halamlamon, na boi mambere haluahon bani setiap goluhta.
Adong do ungkapan na manobutkon “Hidup yang bermakna akan kita miliki karena Allah sendiri tertarik dengan kehidupan kita, Ia rindu ada perubahan dalam hidup kita, dan Ia sendiri yang akan membereskan hidup kita menurut cara dan waktunya”. Pangajarion ni Jesus, lang pitah sukup itangar tumang maningon do ihagoluhkon. Parsahapan ni Yesus pakon naboru Samaria gok ibagas pengajarion na luar biasa artini. Parsahapan nadear humbani masalah bah, tahu-tahu, parigi ronsi das hubani Jesus na gabe bah hagoluhan. Taridah humbani pangajarion na dear. Tontu lang boi bah na humbagas parigi ai, age bahat laho pasuangkon halak na horahan, pasombuhkon sihol partonduy, ronsi padaohkon biar, gobir halani na lang damei na iahapkon hita tapi marhitei bah hagoluhan na humbani Tuhan in do ase boi hita jumpahan hasonangan, ronsi hadameion. Naboru Samaria on mamuaskon rasa haus nadong bani uhurni, marhitei pengajaran pengajaran na benar naboi juppah humbani Jesus sebagai bah hagoluhan (13-14).
Hahonaanni
Hita haganupan tontu panandaan paboa Jesus aima Mesias, on do homa rimpunni ronsi tujuanni ambilan ta on ase porsaya hita Jesus do Mesias anak ni Naibata. Ase haporsayaonta lambin manggoluh ibagas goranni Tuhan in. Panandaion ni naboru Samaria hubani Jesus sadalan do ai bani tujuan ni Johannes. Tuhan Jesus totap do mananda jolma in. Lang adong na ponop, tarlar do haganup ilobei ni Tuhan in. Halani ai lang porlu iponopkon hita, ibotoh/ididah do haganupan hajongjonganta janah ibotoh do homa aha naihaporluhon hita bani goluh on. Sonai do homa boru Samaria on Jesus mambotoh sonaha goluhni na lang ipatugah naboru Samaria ai tapi ibotoh Tuhan Jesus Kristus do. Tuhan Jesus marsahap hubanta tontu laho mansungkuphon na iporluhon ronsi manandai hita. Halani ai roh ma hita hubani Tuhan haporsayai hita ma Ia. Halani Ia do sumber ni hagoluhan na boi mambere hasonangan bani haganupan na masa na idompakkon hita. Hubani Tuhan Jesus ma hita roh ai Ia do bona ni bah hagoluhan gabe boi hita marLETARE=Marmalas ni uhur. Amen.
Last modified on Thursday, 27/03/2025
Latest from PMJ
- Emeritasi St. Juniansen Purba dan St. R. Budiman Damanik
- Kunjungan Guru Sekolah Minggu GKPS Resort Merek Raya
- Bahan Sermon Ambilan 04 Mei 2025 (Misericordias Domini) Nas: Johannes 21: 15 – 19
- Bahan Sermon Sibasaon 04 Mei 2025 (Misericordias Domini) Nas: Psalmen 30: 1-13
- Tantangan 40 Hari Hidup Baru Setelah Paskah
Leave a comment
Make sure you enter all the required information, indicated by an asterisk (*). HTML code is not allowed.